Isinagawa ngayong Enero 26, 2026 sa Municipal Hall, Limay, Bataan ang turnover at pamamahagi ng Solar Street Lights (Batch 1) sa ilalim ng programang “TUGON” – Solar Spark, bilang bahagi ng Corporate Social Responsibility (CSR) ng Peninsula Electric Cooperative, Inc. (PENELCO) katuwang ang GN Power at GMEC. Ang nasabing proyekto ay opisyal na tinanggap ni Municipal Mayor Richie Jason D. David, na layong magbigay ng mas maayos na ilaw sa mga pampublikong lugar upang maisulong ang kaligtasan, kaayusan, at paggamit ng malinis at renewable energy sa bayan ng Limay. Pinangunahan ang aktibidad ni Mr. Jaime Munar, kinatawan ng PENELCO, kasama si Dir. Cecilia Bacsa, at dinaluhan din ni Konsehal Cesar “Ama” Dela Rea bilang pagpapakita ng suporta sa programang naglalayong maghatid ng konkretong tulong sa komunidad. Katuwang din sa mas maayos na pamamahagi ng mga solar lights ang Institutional Services and Development Department (ISDD). Lubos na nagpapasalamat ang Pamahalaang Bayan ng Limay, sa pangunguna ni Mayor Richie Jason D. David, Vice Mayor Grace David, at ng mga Konsehal ng Bayan, sa buong pamunuan ng PENELCO, gayundin sa GN Power at GMEC, sa kanilang mahalagang ambag at patuloy na suporta sa mga programang nagtataguyod ng kaunlaran at kapakanan ng mamamayan ng Limay.

Upang mapanatili ang kaayusan, disiplina, at respeto sa loob ng mga tanggapan ng Munisipyo ng Limay, hinihiling po namin sa lahat ng bisita ang pagsusuot ng maayos at angkop na kasuotan sa pagpasok at pakikipag-ugnayan sa loob ng munisipyo. Ang mga bisitang hindi nakasuot ng nararapat na kasuotan ay maaaring hindi pahintulutang makapasok sa loob ng gusali. Maraming salamat po sa inyong pag-unawa at pakikiisa. Sama-sama nating panatilihin ang kaayusan at disiplina sa ating munisipyo.

Opisyal nang nagsimula kahapon, Enero 18, 2026 sa Limay Sports Complex,ang kauna-unahang Inter-Company Mayor’s Cup! Isang makulay at makasaysayang pagbubukas na nagpapakita ng pagkakaisa, husay, at malasakit sa sports ng iba’t ibang kumpanya at sektor sa ating bayan. Mga Grupong Kalahok: • Yuhantech • Mega Force • LPDSI II • Batang Pier • Limay Maintenance • Aboitiz Power • LPDSI I • DPWH • SLP Blazers • SMGP L2 • LGU Limay • Fisherman Mamot • Petron • LIWAD • Arsenal • Assistco Ito ay naging posible dahil sa Amateur Hardcourt Referees Association (AHRA) at sa buong suporta ng ating mga pinunong may malasakit sa sports at kabataan, sa pangunguna ni Cong. Jett Nisay, Mayor Richie Jason David, Vice Mayor Grace David, at mga Konsehal ng Bayan. Ipinapahayag din ang buong suporta ng ating Municipal Administrator na si Melchor Fernando, na nagsisilbing coach ng LGU Limay. Hindi lamang ito paligsahan sa basketball, isa itong pagdiriwang ng pagkakabuklod, disiplina, at tunay na diwa ng sportsmanship tungo sa mas matibay na komunidad ng Limay.

Enero 10, 2026, ipinagdiwang ang ika-269 Bataan Foundation Day sa People’s Center, Balanga City, Bataan. Ang pagdiriwang ay sinimulan sa isang banal na misa at sinundan ng State of the Province Address ni Governor Joet Garcia, kung saan inilahad niya ang mga nakamit na parangal ng Pamahalaang Panlalawigan at ang mga matagumpay na proyektong naisakatuparan sa buong nakaraang taon bilang patunay ng patuloy na pag-unlad ng Lalawigan ng Bataan. Binigyang-diin din sa nasabing talumpati ang mahahalagang usapin at programa ng lalawigan hinggil sa kalusugan, edukasyon, pangkabuhayan, at agrikultura. Kasama rin sa mahalagang okasyong ito sina Vice Governor Chris Garcia, Cong. Gila Garcia at iba pang Opisyales ng Provincial Government of Bataan. Dinaluhan din ito ng mga kawani mula sa iba’t ibang panig ng lalawigan, kabilang ang mga opisyal ng mga Lokal na Pamahalaan sa buong Bataan at iba pang mga indibidwal. Nakibahagi mula sa Bayan ng Limay sina Mayor Richie Jason David, Vice Mayor Grace David, mga Konsehal ng Bayan, kasama ang ilang mga kawani ng lokal na pamahalaan, bilang pakikiisa sa makasaysayang pagdiriwang ng anibersaryo ng lalawigan. Bilang bahagi ng selebrasyon, nagbigay-kulay at sigla ang mga street dancing mula sa iba’t ibang bayan ng lalawigan na ginanap sa kahabaan ng Capitol Drive suot ang kanilang makukulay na kasuotan na lalong nagbigay-buhay at kasiyahan sa 269th Bataan Foundation Day.

The Business Permits and Licensing Office (BPLO), hereby informs all business owners that the 2026 Business General Registration will be conducted on January 5 to January 23, 2026, following the schedule below: REGISTRATION SCHEDULE BY BARANGAY January 5 – Duale January 6 – Wawa / Poblacion January 7 – SFDA January 8 – Landing January 9 – Kitang I January 12–14 – Reformista / Market / LPC / Limay Park January 15–16 – Townsite January 19 – Bo. Luz January 20 – SFII January 21–23 – Lamao, Alangan, Companies & Contractors Business owners are advised to appear on their designated schedule and bring complete requirements to avoid delays. For guidance and compliance, kindly observe your assigned barangay schedule. Thank you for your cooperation.

Malugod na bumabati ang Pamahalaang Bayan ng Limay, sa pangunguna ni Mayor Richie Jason David, kasama si Vice Mayor Grace David at ang mga Miyembro ng Sangguniang Bayan, ng isang masagana, ligtas, at mapagpalang Bagong Taon para sa bawat mamamayan ng Limay. Nawa’y magsilbing panibagong simula ang taong ito upang higit nating mapagtibay ang pagkakaisa, malasakit, at pagtutulungan tungo sa mas maunlad at mas progresibong bayan. Sama-sama nating ipagpatuloy ang pagbibigay ng tapat at mahusay na serbisyo para sa kapakanan ng bawat Limayeño. Maligayang Bagong Taon! Mabuhay ang Bayan ng Limay!

Kahapon, ika-13 ng Nobyembre 2025, muling nagtipon ang mga Punong Bayan ng Lalawigan ng Bataan para sa pagpupulong ng League of Municipalities of the Philippines (LMP) – Bataan Chapter. Dumalo rin sa pagtitipon sina Governor Joet Garcia, Congressman Jett Nisay, Judge Juliet Salaria, Judge Philger Noel Inovejas, at Atty. Rosario Gaspar, na nagpahayag ng kanilang buong suporta sa mga proyekto at programang isinusulong ng bawat bayan sa lalawigan. Pinangunahan ng Pamahalaang Bayan ng Limay, sa pamumuno ni Mayor Richie David, katuwang si Vice Mayor Grace David at ang mga Konsehal ng Bayan, ang matagumpay na pagdaraos ng nasabing pagtitipon. Layunin ng pagpupulong na pagtibayin ang mga hakbang at programang magpapatuloy sa pagsulong ng kaunlaran at mas inklusibong progreso para sa bawat bayan ng Bataan. Sa naturang pagtitipon, binigyang-diin at kinilala rin ang mga karangalang natamo ng iba’t ibang barangay sa mga programang Husay Barangay at Seal of Healthy Barangay. Dinaluhan din ng mga kinatawan mula sa United Architects of the Philippines (UAP) at tinalakay nila ang pagpapatupad ng mga requirement para sa architectural permit bilang bahagi ng pag-isyu ng mga building permit, alinsunod sa National Building Code of the Philippines (PD 1096). Gayundin ang pagtitiyak ng pagsunod sa pambansang batas ukol sa gusali at kaligtasan, pati na rin sa mga lokal na ordinansa na isang mahalagang bahagi ng ligtas at maayos na pagpapaunlad ng mga proyekto sa buong Bataan. Nakasama rin natin ang GCash bilang katuwang sa pagsusulong ng mga makabagong proyekto at inisyatiba para sa lalawigan. Ginanap naman noong hapon ang regular na meeting ng Peace and Order Council ng probinsya na pinangunahan ni Governor Joet Garcia kasama si Vice Gov. Cris Garcia. Dinaluhan ito ng mga kinatawan mula sa PNP, PDEA, Army, MBDA, DILG, at DepEd upang talakayin ang mga kasalukuyang isyu at programa para sa kapayapaan at kaayusan sa lalawigan. Sa pagkakaisa ng bawat bayan, patuloy nating itinataguyod ang isang Bataan na maunlad, masigla, at tunay na nagkakaisa.

Isang hapon ng sigla, kasiyahan, at sportsmanship ang bumida sa ginanap na Basketball Exhibition Games 2025 noong Oktubre 11 sa Limay Sports Complex! Puno ng sigawan at palakpakan ang buong venue habang nagtagisan ng galing sa court ang mga koponang: Centennial Group 40+ Limay Basketball Association Dream Team Sakuragi Kabataang Limayan Team Main Event: GILAS LEGENDS Limay Selection Team Napuno ng halakhakan at saya ang buong palaro dahil sa energetic at nakakaaliw na partisipasyon ng Team Sakuragi, na nagbigay ng kakaibang kulay at aliw sa bawat manonood! Tampok din sa main event ang mga kilalang pangalan sa Philippine basketball — sina Ranidel De Ocampo, Yancy De Ocampo, Cyrus Baguio, Willie Miller, Jeff Chan, at Gary David kasama ang espesyal na pagdalo ni Cong. Jett Nisay! Eto ay ginanap bilang promosyon ng healthy lifestyle, patunay na ang sports ay walang pinipiling edad at nananatiling daan tungo sa mas aktibo, mas masigla, at mas masayang komunidad! Ang matagumpay na kaganapang ito ay handog ng Pamahalaang Bayan ng Limay, sa pangunguna nina Mayor Richie Jason David, Vice Mayor Grace David, at ng mga Konsehal ng Bayan, bilang pasasalamat at handog kasiyahan sa lahat ng Limayeños. Sa Limay, bawat laro ay larong may puso, saya, at pagkakaisa!

Puno ng enerhiya, sigla, at halakhak ang gabi na tampok ang mga espesyal na bisitang sina DJ Arra, ang mga komedyanteng MC & Lassie na naghatid ng walang humpay na tawanan, at ang pinakaaabangang banda na Kamikazee (KMKZ) na nagpayanig sa buong entablado at nagpaindak sa bawat Limayeño! Isang gabi ng tunay na kasiyahan, pagkakaisa, at pagmamahal sa sariling bayan, patunay na kahit bumuhos man ang ulan, hindi mapipigil ang diwa ng selebrasyon at pagkakaisa ng mga Limayeño! Ang makulay na gabing ito ay handog ng Pamahalaang Bayan ng Limay, sa pangunguna nina Mayor Richie Jason David, Vice Mayor Grace David, at ng mga kagalang-galang na Konsehal ng Bayan, bilang pasasalamat sa walang sawang suporta, pakikiisa, at pagmamahal ng bawat Limayeño sa ating bayan.

Ipinagdiwang sa bayan ng Limay ang makabuluhan at masayang Teachers’ Day Celebration, bilang pagkilala sa dedikasyon at walang sawang paglilingkod ng ating mga guro, ang tunay na haligi ng edukasyon at inspirasyon ng kabataan. Dinaluhan rin nina Mayor Richie Jason David at Vice Mayor Grace David, kasama ang mga natatanging guro mula sa ating bayan, ang programa bilang simbolo ng pasasalamat at pagpapahalaga sa kanilang malaking ambag sa komunidad. Maraming salamat, mga guro, sa inyong pusong naglilingkod at sa patuloy na paggabay sa mga kabataan tungo sa magandang kinabukasan!