Halina’t makiisa at makisaya sa mga inihandang aktibidad ng pamunuan ng bayan ng Limay bilang bahagi ng ating pananampalataya at tradisyon para sa nalalapit na kapistahan ni Apo Iko! Isang makabuluhan at makulay na selebrasyon ng ating debosyon kay Apo Iko. Sama-sama nating ipakita ang diwa ng kasiyahan at pagkakaisa ng bawat Limayeño! #1limay #Pistangbayan2025

Isang makulay, masigla, at matagumpay na Hataw Takbo Bataan ang muling isinagawa sa bayan ng Limay bilang bahagi ng programang itinataguyod ni Gov. Joet Garcia para sa isang healthy lifestyle at tobacco-free generation! Lubos ang aming pasasalamat sa lahat ng runners na lumahok at sumuporta. Salamat din po sa mga sponsors- Pocari Sweat, Fit Bar, at Mogu Mogu. Congratulations po sa mga nagwagi at nakatanggap ng premyo. Pinangunahan ang aktibidad ng Pamunuan ng Bayan ng Limay sa pangunguna nina Mayor Richie Jason David, Vice Mayor Grace David, at mga Sangguniang Bayan Members na sina Konsehala Sarah David, Konsehal Dennis Gochuico, Konsehal Manny Ambrocio at Konsehal Cesar Dela Rea. Kasama ring nakisaya sa aktibidad at nagbigay suporta si Ma’am Michelle S. Gochuico na Chief ng LTO Vistamall Licensing Office. Kasama rin natin sina Vice Gov. Cris Garcia, Bokal Popoy Del Rosario, Bokal Noel Valdecañas, Bokal Vic Baluyot, at Bokal Iya Roque, na nagbigay suporta sa makabuluhang programa. Maraming salamat sa mga kawani ng Pamahalaang Bayan ng Limay, sa General Services Office (GSO), sa ating PNP Limay, at sa lahat ng kawani at volunteers mula sa iba’t ibang tanggapan at barangay na nagbigay ng kanilang panahon at serbisyo. Maraming salamat din sa ating katuwang na MBDA at Bataan Running Club (BRC) na patuloy na kasama sa bawat leg ng Hataw Takbo Bataan. Isang Limay na malusog, aktibo, at masaya na kaagapay ng Pamahalaang Panlalawigan para sa mas magandang kinabukasan.

Isang makabuluhang pag-uusap ang naganap hinggil sa pagpapatibay ng ugnayan ng Pamahalaang Bayan ng Limay at BPSU para sa mas maraming oportunidad sa edukasyon at pagpapaunlad ng mga kabataan at mamamayan ng ating bayan. Kabilang sa mga natalakay ang: Planong magkaroon o humanap ng mga iskolar mula Limay para sa School of Medicine, upang mas maraming Limayeño ang makapagpatuloy ng pag-aaral at makapagsilbi sa kanilang komunidad. Ang kasalukuyang feasibility study para sa pagtatayo ng BPSU Campus sa Limay na maglalapit ng edukasyon at magbubukas ng mas marami pang kurso para sa mga kabataan ng ating bayan. Isang hakbang tungo sa mas maliwanag na kinabukasan para sa mga Limayeño

Nitong ika-18 ng Agosto 2025 ay nagcourtesy visit ang bagong Bataan TESDA Director Juliette Feliciano at buong team nito. Pinag-usapan ang mga proyekto at programa ng TESDA sa mga community-based at skills trainings gayundin ang assessment para sa pagkakaroon ng NC-2 testing facility na malaking tulong para sa pag-apply ng trabaho ng bawat Limayan. Nagbigay ng update report si PESO Limay Evangeline Mariano sa mga achievements ng PESO at mga proyektong nais na mangyari ni Mayor Richie Jason David para sa kapakanan ng mga Limayan. Nagbigay din ng buong suporta ang TESDA sa pamamahala ng PESO sa ating Training Center na kapareho sa setup sa Tarlac. Asahan po natin na tuloy-tuloy ang mga programa at benepisyo para sa ating mga kababayan.

𝐀𝐮𝐠𝐮𝐬𝐭 𝟏𝟖, 𝟐𝟎𝟐𝟓 Isang makabuluhan at produktibong araw ang inilaan nina Mayor Richie Jason David at Vice Mayor Grace David sa pagtanggap at pakikipagpulong sa iba’t ibang mga sektor para sa patuloy na pagpapaunlad ng bayan ng Limay. Kabilang dito ang mga sumusunod na aktibidad: 1. Courtesy call ni Atty. Abegail Chavez Bautista ng RTC Branch 94 at PAO Lawyer 2. Pagpupulong kasama ang Sangguniang Kabataan para sa mga programang may kinalaman sa mga kabataan sa bayan ng Limay 3. Pagbisita ng mga kabataang atleta na nagwagi bilang 2nd Place sa Futsal Tournament sa Orani 4. Pagpupulong hinggil sa paghahanda para sa nalalapit na Hataw Takbo sa Bayan ng Limay. Patuloy ang pamahalaang bayan sa pagbibigay-suporta sa kabataan, palakasan, at iba pang inisyatibo na magdadala ng pagkakaisa at pag-unlad para sa lahat ng Limayeño.

Kahapon, Agosto 12, 2025, ang ating mga lingkod bayan ay patuloy na ginagampaman ang kanilang mga tungkulin na magsilbi nang tapat at buong puso para sa ikauunlad ng ating bayan. Personal na siniyasat ni Mayor Richie Jason David, kasama ang mga opisyal ng bayan, ang E-Trike bilang makabagong, episyente, at makakalikasang alternatibo sa pampublikong transportasyon. Layunin nitong bawasan ang paggamit ng fossil fuel, pangalagaan ang kalikasan, at magbukas ng bagong oportunidad sa kabuhayan. Sa parehong araw, idinaos naman ang Regular Session ng Sangguniang Bayan sa pangunguna ni Vice Mayor Grace David at mga SB Members kung saan tinalakay ang mahahalagang usapin tulad ng supplemental budgets, bagong curfew para sa kabataan, at dagdag na police personnel para sa mas maayos na kaayusan at seguridad sa Limay. Nakipagpulong din ang US Peace Corps Philippines Program Manager for Children, Youth, and Family Sector, Ambet Yangco at Peace Corps Volunteer Leader Josh Brown kasama ang LGU Limay upang tapusin ang proseso para sa pagtalaga ng bagong US Peace Corps Volunteer. Ang Amerikanong boluntaryo ay nakatakdang dumating sa Limay sa Setyembre 25, 2025 at maglilingkod ng hanggang 2 taon, na nakatuon sa youth organizing at youth development programs, katuwang ang DSWD 4Ps, MSWD Section Head Faye Fernando, Social Welfare Officer Alecsandra Lima, at Designated Local Youth Development Officer Jhaira Ocampo. Nagkaroon din ng Courtesy Visit mula sa Samahang Basketball sa Pilipinas para humiling ng suporta sa kanilang nalalapit na seminar sa Mariveles, at mula sa Computer Assisted Learning (CAL) Philippines Inc. bilang pakikiisa sa mga programang pang-edukasyon sa ating bayan. Ito ay isang paraan ng pagkatuto kung saan ginagamit ang computer, software, at digital resources para tulungan o dagdagan ang mga tradisyonal pag-dating sa pagtuturo. Lahat ng ito ay kanilang ginagawa hindi para sa pansariling kapakinabangan, kundi para sa kapakanan ng bawat Limayeño. Sa patuloy na pagtutulungan ng pamahalaang bayan at ng mamamayan, tayo ay naniniwala na lalo pa nating maitatatag ang ating bayan na mas maunlad, mas ligtas, at mas masiglang Limay. Dahil dito, tuloy-tuloy ang serbisyo para sa ating bayan. #1Limay

Ipinagmamalaki naming ipahayag ang kahanga-hangang tagumpay ni 𝐀𝐭𝐡𝐚𝐥𝐢𝐚𝐡 𝐃𝐢𝐦𝐚𝐜𝐮𝐥𝐚𝐧𝐠𝐚𝐧 𝐄𝐬𝐩𝐞𝐫𝐨 na residente ng Limay, na matagumpay na kinatawan ang Pilipinas sa 𝐒𝐤𝐚𝐭𝐞 𝐀𝐬𝐢𝐚 𝟐𝟎𝟐𝟓, isang pandaigdigang kompetisyon sa figure skating na ginanap sa Jakarta, Indonesia mula Agosto 2–11, 2025. Sa kanyang pambihirang husay at determinasyon, nakamit niya ang 5 gintong medalya at 1 pilak sa anim na larangang kanyang sinalihan. Tunay kang inspirasyon para sa lahat ng kabataang Pilipino. Congratulations, Athaliah!

Ngayong araw, Agosto 11, 2025, ginanap sa Department of Agriculture-Central Office ang pitching ng NAGKABATI Farmers’ Cooperative and Association (FCA) para sa ₱25 milyong pondo sa ilalim ng Sagip Saka Program. Ang inisyatibong ito ay buong pusong sinusuportahan ng MLGU-LIMAY sa pangunguna nina Mayor Richie Jason D. David, Vice Mayor Grace R. David, at mga SB Members, kasama ang Office of the Municipal Agriculturist na pinangungunahan nina Joselito D. Galicia at Engr. Jeremie S. Sagrado. Ang Sagip Saka Program ay isinusulong nina Senador Francis “Kiko” N. Pangilinan, DA Secretary Francisco P. Tiu Laurel Jr., at DA Assistant Secretary Atty. Joycel R. Panlilio, na naglalayong palakasin ang sektor ng agrikultura sa Limay, Bataan. Ang panukalang pondo ay gagamitin upang suportahan ang produksyon, pag-aani, post-harvest processing, at marketing ng palay, high-value crops (HVC), at mga alagang hayop. Tugma ito sa layunin ng Sagip Saka Act of 2019 na gawing entrepreneur ang mga magsasaka at mangingisda, upang mapalakas ang kanilang kabuhayan at mapabuti ang kalidad ng kanilang pamumuhay. Ang pagtutulungan ng pamahalaan at ng mga lokal na asosasyon ng magsasaka ay patunay ng tunay na malasakit at suporta sa agrikulturang Pilipino. Sa pagbibigay ng tamang tulong at pondo, layunin nitong palakasin ang seguridad sa pagkain at itaguyod ang sustainable farming practices sa buong Limay.

Isang makasaysayang araw para sa mga lingkod-bayan ng Bataan! Ngayong Agosto 8, 2025, nagtipon-tipon ang mga konsehal mula sa iba’t ibang bayan sa Bataan Tourism Pavilion para ihalal ang bagong hanay ng mga opisyal ng Philippine Councilors League – Bataan Chapter. Dumalo sa pagtitipon at nagbigay-pugay sa kaganapan sina PCL National Vice Chairman Atty. Benjamin Abalos III bilang pangunahing tagapagsalita, Gov. Joet Garcia, Vice Gov. Cris Garcia, PCL Bataan Interim President Hon. Jovy Banzon, at ang mga kinatawan ng PCL COMELEC. Kasama rin sa mga panauhin sina Rep. Jernie Jett Nisay ng Pusong Pinoy Partylist, First District Rep. Tony Roman, Chief of Staff Rollie Rojas, ilang mga alkalde, at mga miyembro ng Sangguniang Bayan mula sa iba’t ibang bayan. Mula sa Bayan ng Limay, buong suporta ang ipinakita nina Mayor Richie Jason David at Vice Mayor Grace David, kasama ang ating mga Sangguniang Bayan Members na sina: Konsehala Sarah David, Konsehal Cecil Roxas, Konsehal Bart Reyes, Konsehal Dennis Gochuico bilang Board Member na kakatawan sa bayan ng Limay, Konsehala Rory Roque Perez, Konsehal Newr Tayag, Konsehal Manny Ambrocio, Konsehal Cesar Dela Rea, ABC Teresita Dela Rea at SK Fed. President AJ Joaquin. 𝗠𝗚𝗔 𝗡𝗔𝗛𝗜𝗛𝗔𝗟𝗔𝗟 𝗡𝗔 𝗢𝗣𝗜𝗦𝗬𝗔𝗟: President: Hon. Jovy Banzon Vice President: Hon. Marino Caguimbal Secretary-General: Hon. Noli Soriano Treasurer: Hon. Concepcion Santos Auditor: Hon. Angelito Narciso P.R.O.: Hon. Jose Gener Pascual Business Manager: Hon. Angelito Rubia 𝗣𝗥𝗢𝗩𝗜𝗡𝗖𝗜𝗔𝗟 𝗙𝗘𝗗𝗘𝗥𝗔𝗧𝗜𝗢𝗡 𝗗𝗜𝗥𝗘𝗖𝗧𝗢𝗥𝗦: 1. Hon. Reno Gatdula 2. Hon. John Harry Carreon 3. Hon. Marjun Bantay 4. Hon. Armando Buniag 5. Hon. Dennis Gochuico 6. Hon. Katherine Maglaque 7. Hon. Roy Samson 8. Hon. Christian Laurence Manalaysay Isang taos-pusong pagbati sa lahat ng bagong halal! Sa inyong pamumuno, nawa’y lalo pang mapagtibay ang pagkakaisa at mas mailapit ang makabuluhang programa sa ating buong lalawigan ng Bataan.

Bilang tugon sa naging epekto ng nagdaang kalamidad na bagyong Crising noong nakaraang taon 2024, isinagawa ang pamamahagi ng Emergency Cash Transfer (ECT) sa mga kwalipikadong pamilyang naapektuhan sa iba’t ibang barangay ng Bayan ng Limay. Ang programang ito ay pinangunahan ng Department of Social Welfare and Development (DSWD) katuwang ang Pamahalaang Panlalawigan ng Bataan at Pamahalaang Bayan ng Limay sa pangunguna ni Mayor Richie Jason David, Vice Mayor Grace David at SB Members bilang bahagi ng agarang pagtugon at suporta sa mga kababayang nangangailangan. Layunin ng ECT na pansamantalang matulungan ang mga pamilyang nawalan ng kabuhayan o matinding naapektuhan ng kalamidad, upang magamit nila ito sa pagbili ng mga pangunahing pangangailangan gaya ng pagkain, gamot, at iba pang gamit sa tahanan. Lubos ang pasasalamat ng mga benepisyaryo sa tulong pinansyal na kanilang natanggap. Isa lamang ito sa mga konkretong hakbang ng ating pamahalaan upang masigurong walang maiiwan sa panahon ng krisis.