Isang lupa ang nilaan ni dating Mayor Nelson C. David sa Barangay Duale upang tayuan ng St. Daniel Comboni Parish Church and Convent. Ang itatayong simbahan ay hindi lamang para sa mga misa kung hindi ito rin ay magiging tahanan ng mga outreach programs, tulong para sa mga kapos palad at sentro ng mga aktibidad na magpapatibay sa ating samahan bilang isang komunidad. Si St. Daniel Comboni ay kilala sa kanyang malasakit sa mga mahihirap at misyon para sa Africa at sila ni dating Mayor Nelson C. David ay mayroong iisang hangarin. Ito ay hindi lamang gagawin para sa isang papuri kung hindi bilang isang alay sa Diyos at sa mga mamamayan dahil tayo ay naniniwala na ang isang lider na may takot sa Diyos ay mas may malasakit sa mga tao. Atin pong abangan ang nalalapit na pagtatayo ng nasabing simbahan.

Sa tuloy-tuloy ng paghahatid ng serbisyo para sa mga mamamayan ng Limay, mga solar street lights ang isa mga pangunahing proyekto ng pamunuan. Mga solar street lights para sa lugar ng Bliss at Villa Leonor ang mga naikabit at asahan po natin na mas marami pang ilaw ang mailalagay sa nasabing lugar. Ang solar street lights ay mahalaga dahil nagbibigay ito ng ilaw sa kalsada gamit ang enerhiyang mula sa araw, kaya ito ay isang matipid, eco-friendly, at sustainable na solusyon sa pag-iilaw sa mga lansangan. Ito rin at nagbibigay liwanag kahit na ito ay walang suplay ng kuryente. Sama-sama po nating ipagpatuloy ang nasimulan ng ating Lokal na Pamahalaan at sa pagpapatuloy ng progreso at kaunlaran ng ating komunidad.

Ang Sangguniang Kabataan (SK) sa pakikipagtulungan sa Land Transportation Office (LTO) ay nag sagawa kahapon, ika-02 ng Abril sa Limay Sports Complex ng libreng Theoretical Driving Course (TDC). Ang TDC ay isang 15-oras na seminar na kinakailangan para makakuha ng Student Permit. Sa inisyatibo ni SK President AJ Joaquin at mga SK Kagawad ng Barangay Reformista, ang programang ito ay inilunsad at sa tulong ng LTO sa pangunguna ni Regional Director PBGEN Ronnie Montejo (Ret.) Ph.D, Chief Patrick Emmanuel G.Manalo ng LTO Orani, Ma’am Michelle Gochuico ng LTO Balanga at mga staffs ng nasabing ahensya, naisakatuparan ang proyektong ito upang mabigyan ng pagkakataong magkaroon at makapag apply ng libreng lisensya ang mga nais kumuha nito.

Sa Limay, ang progreso ay hindi lang para sa seguridad kundi pati na rin sa pagpapahalaga sa kalikasan! Ang CCTV sa Limay View Deck ay naikabit na, at kasunod na ang sa Villa Leonor. Abangan ang mga bagong View Deck #2 at View Deck #3 na magbibigay ng mas magagandang tanawin. Sama-sama tayong magtaguyod ng mas magandang bukas!

Dumating na po ang ating patient transport vehicle for rescue opertions ng ating bagong Limay Rescue (LCERT) eto po ay Type II ambulance, Layunin po neto ang mas lalong mabilis na responde at mabigyan ng agarang medikal na atensyon ang nangangailangan.

Sa patuloy na pag-unlad ng ating komunidad ay tiyak na walang maiiwanan. Ang libreng Wi-Fi ay hindi lang tungkol sa pagkakaroon ng internet kung hindi ito ay isang hakbang tungo sa mas inklusibo at progresibong lipunan. Free Wifi para sa lugar ng Ariada ang proyektong isinulong ni Mayor Richie Jason David, Vice Mayor Sarah David, SB Members at Tourism Chairperson Grace David. Nagpapasalamat po ang buong pamunuan sa MIS at iba pang tumulong at nangasiwa para sa proyektong ito.

Kasalukuyang isinasagawa ang pagpapalawak ng Dialysis Center para sa karagdagang 10 dialysis machines. Makatutulong ito upang ma-accommodate at mapabuti ang kaginhawahan ng ating mga kababayang nangangailangan nito. Asahan po ninyo na ang proyektong ito ay naglalayong magbigay ng sapat na tulong medikal sa lahat ng Limayans. Sa pamumuno ng ating Mayor Richie Jason David, Vice Mayor Sarah David at ng mga Sangguniang Bayan Members, patuloy ang tapat na serbisyong direktang ibinibigay sa ating mga kababayan.

Sigurado ang pag pasok ng Limay Basketball Team sa Semi-Finals Round ng 1Bataan Sports Fest matapos nitong harapin ang Bayan ng Samal ngayong gabi. Sa iskor na 88-83 tinalo ng Limay ang Samal.

Napakahalaga ng mga hakbang na ito ng Lokal na Pamahalaan ng Limay upang masiguro ang kaligtasan ng bawat isa, lalo na sa mga motorista at pedestrian. Ang mga warning signs,traffic signs at speed limit ay hindi lamang nagsisilbing gabay kundi pati na rin proteksyon laban sa mga aksidente. Ang pagsunod sa mga ito ay isang simpleng hakbang na makakatulong sa pagpapanatili ng kaayusan at kaligtasan sa mga kalsada. Ang pangunguna ni Mayor Richie Jason David, Vice Mayor Sarah David, SB Members,Tourism Chairperson Grace David, at ng iba pang mga lokal na lider ay isang patunay ng kanilang malasakit at dedikasyon sa kaligtasan ng komunidad. Ang kanilang slogan na Tapat na Serbisyo, Diretso sa Tao ay hindi lamang mga salita, kundi isang komitment sa pagtulong at pagpapabuti ng kaligtasan at kapakanan ng bawat isa sa Limay.

Ang pagtatayo ng Super Rural Health Unit (RHU) sa Barangay Duale ay magbibigay ng mabilis at modernong serbisyong pangkalusugan para sa ating komunidad at mga kalapit na barangay. Sa tulong ng mga lider tulad nina Mayor Richie Jason David at Vice Mayor Sarah David at Sangguniang Bayan Members, matutugunan agad ang mga pangangailangan medikal ng mga kababayan natin. Abangan ang nalalapit na pagbubukas ng pasilidad na magpapalakas ng ating kalusugan at kaligtasan. Tapat na Serbisyo, Diretso sa Tao!