Naganap kahapon, July 4, ika-9 ng umaga ang isang makabuluhang ugnayan at usapan kasama ang mga leaders ng Senior Citizens ng 12 Barangays,.at noong ika-1 ng hapon ay inilaan para sa ating mga PWDs. Nagkaroon ng kwentuhan sa mga saloobin, hinaing, at mga kahilingan ng Senior Citizens at PWDs. Naki-isa ang ating Vice Mayor Grace David sa mga kaganapan na pinangunahan ni PGS Focal Person SB Manny Ambrocio at OSM Chairperson Faye Fernando. Buo naman ang suporta sa mga ganitong uri ng programa ng buong pamunuan sa pangunguna ni Mayor Richie Jason David.

𝗝𝗨𝗡𝗘 𝟯𝟬, 𝟮𝟬𝟮𝟱 Isang makasaysayang araw ng pagkilala at panibagong paninindigan para sa mga lingkod-bayan ng Bataan! Sa ginanap na Oathtaking Ceremony sa People’s Center, Balanga City, sa pangunguna ni Governor Joet S. Garcia ay sabay-sabay na nanumpa ang mga bagong halal na opisyal mula sa iba’t ibang munisipalidad ng lalawigan. Isang kaganapang nagpapakita ng pag-kakaisa, panibagong pananagutan, at iisang layunin upang makapag dulot ng makabuluhang pagbabago para sa buong lalawigan ng Bataan. Samantala, kasunod ring ginaganap ang Oath-taking and Turnover Ceremony ng mga bagong halal na lokal na opisyal ng Bayan ng Limay sa Limay Municipal Hall Lobby na pinangunahan ni 𝗝𝘂𝗱𝗴𝗲 𝗘𝗺𝗮𝗻𝘂𝗲𝗹 𝗦𝗶𝗹𝘃𝗮. Sa muling pagtitiwala ng taumbayan kay 𝗠𝗮𝘆𝗼𝗿 𝗥𝗶𝗰𝗵𝗶𝗲 𝗝𝗮𝘀𝗼𝗻 𝗗𝗮𝘃𝗶𝗱, kasama ang ating bagong 𝗩𝗶𝗰𝗲-𝗠𝗮𝘆𝗼𝗿 𝗚𝗿𝗮𝗰𝗲 𝗗𝗮𝘃𝗶𝗱, at ang mga kagalang-galang na miyembro ng Sangguniang Bayan, 𝗛𝗼𝗻. 𝗦𝗮𝗿𝗮𝗵 𝗩. 𝗗𝗮𝘃𝗶𝗱, 𝗛𝗼𝗻. 𝗖𝗲𝗰𝗶𝗹 𝗚𝗲𝗿𝗮𝗿𝗱 𝗖. 𝗥𝗼𝘅𝗮𝘀, 𝗛𝗼𝗻. 𝗥𝗲𝘀𝘁𝗶𝘁𝘂𝘁𝗼 𝗣. 𝗥𝗲𝘆𝗲𝘀, 𝗛𝗼𝗻. 𝗗𝗲𝗻𝗻𝗶𝘀 𝗥. 𝗚𝗼𝗰𝗵𝘂𝗶𝗰𝗼, 𝗛𝗼𝗻. 𝗥𝗲𝗺𝗶𝗴𝗶𝗼 𝗦. 𝗧𝗮𝘆𝗮𝗴,𝗝𝗿., 𝗛𝗼𝗻. 𝗥𝗼𝗿𝘆 𝗥. 𝗣𝗲𝗿𝗲𝘇, 𝗛𝗼𝗻. 𝗠𝗮𝗻𝗻𝘆 𝗣. 𝗔𝗺𝗯𝗿𝗼𝗰𝗶𝗼, at 𝗛𝗼𝗻. 𝗖𝗲𝘀𝗮𝗿 “𝗔𝗺𝗮” 𝗗𝗲𝗹𝗮 𝗥𝗲𝗮, asahan po ninyo ang isang pamahalaang mas bukas, makatao, at nakatuon sa tunay na pag-unlad ng buong bayan ng Limay. Nagbigay naman ng isang makabuluhang mensahe si outgoing SB Member na si 𝗞𝗼𝗻𝘀𝗲𝗵𝗮𝗹 𝗠𝗲𝗹𝗰𝗵𝗼𝗿 𝗟. 𝗙𝗲𝗿𝗻𝗮𝗻𝗱𝗼 at outgoing 𝗞𝗼𝗻𝘀𝗲𝗵𝗮𝗹 𝗔𝗹𝗳𝗿𝗲𝗱𝗼 𝗩𝗶𝗹𝗹𝗮𝘃𝗶𝗿𝗮𝘆. Ang buong pamunuan ng bayan ng Limay ay nagpapasalamat sa inyong dedikasyon, malasakit, at pakikiisa sa layunin ng lokal na pamahalaan at nagsilbing matibay na pundasyon ng ating mga tagumpay bilang isang komunidad. Ang selebrasyon na ito ay simula ng isang panibagong kabanata ng serbisyong may puso, lideratong may direksyon, at pamahalaang tapat na serbisyo at diretso sa tao.

Isinagawa ngayong June 25, 2025 ang isang makabuluhang Tree Planting Activity sa Sitio Kinaragan, Brgy. Duale, Limay, Bataan bilang bahagi ng PagbaBAGo: A Million Learners and Trees Campaign ng Office of the Vice President. Sa pagtutulungan ng OVP, CENRO Pilar, PENRO Bataan, at ng LGU Limay, layunin ng aktibidad na makapagtanim ng 3,000 punla bilang ambag sa pangangalaga sa kalikasan at patuloy na edukasyon ukol sa kahalagahan ng mga puno sa ating kapaligiran. Ang pamahalaang bayan ng Limay ay lubos na nagpapasalamat sa OVP sa pagkilala at pagtitiwala na maisama ang aming bayan sa ganitong makabuluhang kampanya. Sama-sama tayong nagtatanim ng pag-asa, para sa isang mas luntiang kinabukasan.

Sa patuloy na pagsuporta ng Pamahalaang Bayan ng Limay sa pangunguna ni Mayor Richie David, Vice Mayor Elect-Grace David, Vice Mayor Sarah David at SB Members, katuwang ang Municipal Agriculture Office, Department of Agriculture at BFAR, kami ay taos-pusong nagpapasalamat sa lahat ng mangingisdang patuloy na nagsusumikap para sa ikabubuti ng kanilang pamilya at ng ating komunidad. Ang pamamahagi ng mga kagamitang pangisda sa 30 registered fisherfolks ay bahagi ng ating adbokasiya na paunlarin ang kabuhayan sa sektor ng pangisdaan. Hinihikayat naming gamitin ito nang wasto at maayos upang higit pang mapalakas ang inyong hanapbuhay. Nawa’y magsilbing inspirasyon ito na patuloy tayong magkaisa para sa mas masaganang Limay, kung saan ang bawat mamamayan ay may pantay na pagkakataong umasenso.

LPC proudly celebrates its outstanding LET performance for March 2025:  Bachelor of Elementary Education: 92.59% passing rate (vs. 46.77% national rate) Bachelor of Secondary Education: 96.08% passing rate (vs. 62.27% national rate) Ranked 3rd among the Top 10 Performing Schools in the Philippines (50–99 examinees) Salute to our dedicated faculty and hardworking passers!

Sa pakikipagtulungan ng PSA, isasagawa ang PhilSys National ID Registration sa mga sumusunod na barangay: SCHEDULE: June 16-17, 2025 – Reformista Barangay Hall June 18-19, 2025 – Duale Barangay Hall June 20-21, 2025 – Townsite Barangay Hall June 23-24, 2025 – Kitang Barangay Hall June 25-26, 2025 – Alangan Barangay Hall June 27-28, 2025 – SF II Barangay Hall REQUIREMENTS: 0–4 years old • Birth Certificate • Baptismal Certificate • Health Card • National ID ng magulang 5–17 years old • Birth Certificate • ID ng magulang • Barangay Certification with picture • School ID na may nakalagay na birth place at birthday ng bata 18 years old and above • Valid ID • Voter’s Certification • Barangay Clearance with picture • ID na may nakalagay na birthplace at birthday PAALALA: Mangyaring dalhin ang lahat ng kinakailangang dokumento upang mapabilis ang proseso ng pagpaparehistro. Para sa karagdagang impormasyon, makipag-ugnayan lamang sa inyong Barangay Hall o tanggapan ng Municipal Civil Registrar. Maraminf salamat po.

Inaabisuhan ang publiko na sa pagkuha ng 𝙏𝙖𝙭 𝘿𝙚𝙘𝙡𝙖𝙧𝙖𝙩𝙞𝙤𝙣, 𝘾𝙚𝙧𝙩𝙞𝙛𝙞𝙘𝙖𝙩𝙚 𝙤𝙛 𝙉𝙤 𝙄𝙢𝙥𝙧𝙤𝙫𝙚𝙢𝙚𝙣𝙩 / 𝙒𝙞𝙩𝙝 𝙄𝙢𝙥𝙧𝙤𝙫𝙚𝙢𝙚𝙣𝙩, 𝙖𝙩 𝙍𝙚𝙖𝙡 𝙋𝙧𝙤𝙥𝙚𝙧𝙩𝙮 𝙏𝙖𝙭 𝙊𝙧𝙙𝙚𝙧 𝙤𝙛 𝙋𝙖𝙮𝙢𝙚𝙣𝙩, kinakailangan pong magsumite ng mga sumusunod na dokumento para sa pagproseso:  Kung ang humihingi ay 𝙝𝙞𝙣𝙙𝙞 𝙖𝙣𝙜 𝙣𝙖𝙠𝙖𝙥𝙖𝙣𝙜𝙖𝙡𝙖𝙣 𝙨𝙖 𝙖𝙧𝙞-𝙖𝙧𝙞𝙖𝙣:• Authorization Letter mula sa may-ari ng property o Special Power of Attorney (SPA)• Photocopy ng valid I.D. ng may-ari ng property at ng humihingi Kung ang nakapangalan sa property ay 𝙔𝙐𝙈𝘼𝙊 𝙣𝙖:• Kopya ng Extrajudicial Settlement of Estate mula sa mga tagapagmana  Kung ang property ay 𝙆𝘼𝘽𝙄𝘽𝙄𝙇𝙄 pa lamang at ang titulo ay nasa PROSESO pa ng paglilipat:• Notarized Deed of Sale o Special Power of Attorney (SPA)• Photocopy ng valid I.D. ng dating may-ariMahigpit pong ipinatutupad ang mga patakarang ito upang matiyak ang maayos, mabilis, at tamang proseso ng mga transaksyon sa aming tanggapan. Maraming salamat po sa inyong pag-unawa at kooperasyon. Office of the Municipal Assessor

Bilang paggunita sa ika-127 anibersaryo ng Araw ng Kalayaan, isinagawa ngayong araw ang Ceremonial Wreath Laying bilang pagpupugay sa mga bayaning nag-alay ng buhay para sa ating kasarinlan. Ang wreath laying o pag-aalay ng korona ng bulaklak ay isang makasaysayang seremonyang ginagawa bilang simbolo ng paggalang, paggunita, at pasasalamat sa mga taong nag-alay ng kanilang buhay para sa ating bayan. Dumalo sa makabuluhang pagdiriwang na ito sina Mayor Richie Jason David, Vice Mayor Elect-Grace David, Konsehal Newr Tayag, Konsehal Cecil Roxas, SK Federation, mga kinatawan mula sa BFP, PNP, Department Heads, at mga kawani ng Pamahalaang Bayan ng Limay na sama-samang nagbigay ng respeto at pasasalamat sa mga nagbuwis ng kanilang buhay para sa ating bayan. Hindi malilimutan ang kanilang kabayanihan at ito ang tunay na pundasyon ng ating kasalukuyang kalayaan

Ngayong Hunyo 11, 2025 ika-10 ng umaga sa Municipal Mayor’s Office ay pinangunahan ng ating mahal na Mayor Richie Jason D. David at sa buong suporta ni Governor Joet Garcia ay opisyal nang inilunsad sa ating Pamahalaang Bayan ng Limay ang PGS na nakapaloob sa Memorandum of Agreement (MOA). Ang nasabing kasunduan ay pinirmahan nina ISA CEO – Mr. Evaristo S. Francisco, Jr. at Mayor Richie Jason D. David, na sinaksihan nina Governor Jose Enrique ‘’Joet’’ Garcia III, ISA Program Management Unit Head – Maria Jose Guadalupe R. Luisito, at HRMO and MSWD Section Head – Ms. Faye Fernando. Ang Performance Governance System (PGS) ay isang sistema na magbibigay sa lahat ng ating mga kawani ng kakayahan at kaalaman na magawa ang kani-kanilang takdang tungkulin na ang tanging inspirasyon ay makapaglingkod “mula sa puso” sa ating mga kababayan sa mabilis, angkop at epektibong pamamaraan. Hangad din sa proseso ng PGS ang pagsasaayos ng mga sistema, pamamaraan at polisiya na magiging gabay, pamantayan at sukatan sa kaayusan ng serbisyo ng bawat kawani, departamento, at sa tamang paggamit ng pera mula sa kaban ng bayan na siguradong tutugon sa pangunahing pangailangan ng ating mamamayan. Isang paglilingkod na walang itinatangi at walang maiiwanan. Dumalo at naki-isa sa makasaysayang kaganapan na ito ang ating Vice Mayor-Elect Grace David, Konsehal Dennis Gochuico, Konsehal Bart Reyes, mga Department Heads, miyembro ng ibat-ibang Sectoral groups sa Limay at mga kinatawan mula sa pamunuan ng lalawigan ng Bataan sa pangunguna ni Ma’am Myrna Roman ang PGS Focal Person ng City of Balanga at ng Probinsya ng Bataan. Ang historical event na ito ay pinangasiwaan ng ating LGU Limay PGS Focal Person Konsehal Manny Ambrocio. Salamat sa Diyos