Nauunawaan ng Pamahalaang Bayan ng Limay ang hinaing ng ating mga kababayan tungkol sa dagdag na bayarin kaugnay ng Septage Management Program. Sa pagtugon dito, nais naming ipabatid sa lahat ang mahahalagang impormasyon tungkol sa kasunduang pinasok ng pamahalaan para sa kapakanan ng bayan: 1. ANO ANG SEPTAGE MANAGEMENT PROGRAM? Ito ay isang programang tumutugon sa batas na Clean Water Act of 2004 (RA 9275) at ordinansang probinsyal ng Bataan. Layunin nito ang regular na paglilinis ng septic tank upang maiwasan ang kontaminasyon ng tubig at ang pagkalat ng sakit sa komunidad. 2. ANO ANG NILALAMAN NG KASUNDUAN? Isang kasunduan ang nilagdaan noong Disyembre 9, 2021 ng tatlong panig: Unang Panig: Pamahalaang Bayan ng Limay Ikalawang Panig: Soliman E.C. Septic Tank Disposal (pribadong kumpanya) Ikatlong Panig: Limay Water District Ang kasunduang ito ay may bisa ng limang (5) taon at nakatakdang magtapos sa Disyembre 9, 2026. 3. MAGKANO ANG BAYAD AT SINO ANG SAKLAW? Lahat ng aktibong subscribers ng Limay Water District (residential at small enterprises) ay saklaw ng programa. Sisingilin ng Php 70 kada buwan, na isinasama sa water bill. Sa loob ng 5 taon, ito ay magiging kabuuang Php 4,200—katumbas ng isang regular desludging cycle. Ang hindi saklaw (non-subscribers) ay maaaring mag-avail sa serbisyong ito sa halagang Php 4,200 kada truckload, bayad direkta sa service provider. 4. ANO ANG BENEPISYO SA PUBLIKO? Kaligtasan ng inuming tubig at kalusugan ng bawat pamilya Maayos na pamamahala ng dumi mula sa septic tank Serbisyong ligtas, malinis, at alinsunod sa pamantayan ng DENR at DOH Hindi biglaang malaking bayad, kundi buwanang hulugan Ang DILG ay naatasang tumulong sa pagpapalaganap ng impormasyon at pagpapalakas ng kakayahan ng mga LGU sa bansa kaugnay ng NSSMP (National Sewerage and Septage Management Program) gayundin sa pagpapadali ng pagsunod ng mga LGU rito. Ang papel ng mga LGU sa paghahatid ng mga batayang serbisyo kaugnay ng pagpapatupad ng sistema ng paggamot ng daluyan ng mga dumi at pamamahala ng poso negro sa loob ng kanilang nasasakupan. Ang mga lokal na pamahalaan ay kailangang tiyakin na ang lahat ng mga residensyal (kabilang ang mga pribadong subdibisyon), komersyal, industriyal, institusyonal, at mga establisyimentong pampamahalaan sa loob ng kanilang nasasakupan ay may maayos na sistema ng paggamot ng daluyan ng dumi at pamamahala ng poso negro. Ang inyong lokal na pamahalaan ay bukas sa mga hinaing ng mamamayan. Kami po ay muling magsasagawa ng pag-aaral sa kasunduang ito upang matiyak na ito ay tunay na makabubuti sa bayan at sa bawat Limayan. Layunin namin ang serbisyo na makatao, makakalikasan, at makatarungan. Para sa karagdagang katanungan, mangyaring makipag-ugnayan sa inyong barangay o sa Limay Municipal Hall.

Sa idinaos na Food Month Celebration ngayong April 25, 2025, Isang taos-pusong pagbati sa 𝙎𝙩. 𝙁𝙧𝙖𝙣𝙘𝙞𝙨 𝙉𝙖𝙩𝙞𝙤𝙣𝙖𝙡 𝙃𝙞𝙜𝙝 𝙎𝙘𝙝𝙤𝙤𝙡 sa pagkakapanalo sa 𝙆𝙪𝙡𝙩𝙪𝙧𝙖 𝙨𝙖 𝙆𝙪𝙨𝙞𝙣𝙖: 𝙇𝙪𝙩𝙤 𝙣𝙜 𝘽𝙖𝙩𝙖𝙚ñ𝙤 𝘾𝙤𝙤𝙠𝙞𝙣𝙜 𝘾𝙤𝙣𝙩𝙚𝙨𝙩 2025, na inorganisa ng Bataan Provincial Tourism Office! Sa tulong at suporta ng Limay Tourism Office, ang tagumpay na ito ay kanilang nakamit sa pamumuno ni 𝙂𝙣𝙜. 𝙎𝙪𝙣𝙨𝙝𝙞𝙣𝙚 𝙅𝙤𝙮 𝙏. 𝙎𝙖𝙣𝙩𝙞𝙨𝙞𝙢𝙖 at mag-aaral na si 𝘾𝙝𝙚𝙣𝙭𝙮 𝙊𝙗𝙚𝙟𝙖𝙨. Ito ay isang patunay ng inyong kahusayan, pagkamalikhain, at pagmamalasakit sa kulturang Pilipino. Sa temang “Food as Culture: The Role of Gastronomy in Filipino Identity,” matagumpay ninyong naipakita ang yaman ng pagkaing Bataeño bilang mahalagang bahagi ng ating pambansang pagkakakilanlan. Hindi lamang kayo nagluto ng masarap na pagkain kundi kayo rin ay naghain ng kuwento, kasaysayan, at pagmamalaki sa ating sariling kultura. Tunay kayong huwaran ng kabataang may puso para sa sining, tradisyon, at bayan. Mabuhay ka, Chenxy! Mabuhay ka, Gng. Santisima! At mabuhay ang buong St. Francis National High School! Nawa’y lalo pa kayong magtagumpay at magsilbing inspirasyon sa marami. Muli, isang maalab na pagbati sa inyong karangalan!

Isang maalab na pagbati sa lahat ng nagsipagtapos sa isinagawang Graduation Ceremony ng TESDA dito sa ating bayan ng Limay. Ang buong pamunuan ng bayan ng Limay sa pangunguna ni Mayor Richie Jason David, Vice Mayor Sarah David, SB Members at Tourism Chairperson Grace David ay taos-pusong nagpapasalamat sa lahat ng kinatawan ng TESDA sa patuloy ninyong pagtugon sa pangangailangan ng ating mga kababayan pagdating sa dekalidad na pagsasanay at edukasyong teknikal. Nagpapasalamat rin po kami sa mga katuwang na Organisayon at Institusyon tulad ng BHMC, LPC, PNOC, LGU Limay, Limay GSO, PESO Limay, ABSIERRA ENTERPRISE, BPSU, San Miguel Corp., Orica Philis. at DICT dahil naisakatuparan ito. Ang inyong suporta at programa ay nagsisilbing tulay para sa mas maraming oportunidad at mas maliwanag na kinabukasan para sa ating mga mamamayan lalong-lalo na sa mga nagnanais magkaroon ng sapat na kasanayan at kaalaman upang makahanap ng trabaho, makapagsimula ng kabuhayan, at makapag-ambag sa kaunlaran ng ating bayan. Sa ating mga nagtapos, nawa’y magsilbi kayong inspirasyon sa iba. Dalhin ninyo ang inyong natutunan bilang puhunan sa tagumpay, at huwag kalimutang ibahagi ito sa inyong pamilya at komunidad.

Sa ating patuloy na pagsusumikap na itaas ang antas ng kalinisan, kalusugan, at dignidad ng bawat mamamayan, isang mahalagang hakbang ang pagtatayo ng isang maayos at ligtas na public toilet sa mga liblib na lugar. Sa pamamagitan nito, tiniyak nating walang maiiwan pagdating sa kalinisan at kaginhawaan. Sama-sama nating buuin ang isang komunidad na malinis, ligtas, at may malasakit sa bawat isa. Nawa’y atin pong ingatan ang pasilidad na ito upang patuloy natin na mapakinabangan at maging ng mga susunod na pang henerasyon.

𝗜𝗽𝗶𝗻𝗮𝗮𝗮𝗯𝗼𝘁 𝗽𝗼 𝗻𝗴 𝗽𝗮𝗺𝘂𝗻𝘂𝗮𝗻 𝗽𝗮𝗿𝗮 𝘀𝗮 𝗸𝗮𝗮𝗹𝗮𝗺𝗮𝗻 𝗻𝗴 𝗹𝗮𝗵𝗮𝘁 𝗻𝗮 𝗮𝗻𝗴 𝘁𝘂𝗹𝗮𝘆 𝘀𝗮 𝗹𝘂𝗴𝗮𝗿 𝗻𝗴 𝗩𝗶𝗹𝗹𝗮 𝗙𝗿𝗮𝗻𝗰𝗮 𝗮𝘆 𝘀𝗮𝗿𝗮𝗱𝗼 𝗱𝗮𝗵𝗶𝗹 𝘀𝗮 𝗶𝘀𝗶𝗻𝗮𝘀𝗮𝗴𝗮𝘄𝗮𝗻𝗴 𝗿𝗲𝗵𝗮𝗯𝗶𝗹𝗶𝘁𝗮𝘀𝘆𝗼𝗻. 𝗣𝗶𝗻𝗮𝗽𝗮𝘆𝘂𝗵𝗮𝗻 𝗮𝗻𝗴 𝗹𝗮𝗵𝗮𝘁 𝗻𝗴 𝗺𝗼𝘁𝗼𝗿𝗶𝘀𝘁𝗮 𝗻𝗮 𝗱𝘂𝗺𝗮𝗮𝗻 𝘀𝗮 𝗮𝗹𝘁𝗲𝗿𝗻𝗮𝘁𝗶𝗯𝗼𝗻𝗴 𝗿𝘂𝘁𝗮. 𝗛𝘂𝗺𝗶𝗵𝗶𝗻𝗴𝗶 𝗽𝗼 𝗸𝗮𝗺𝗶 𝗻𝗴 𝗽𝗮𝘂𝗺𝗮𝗻𝗵𝗶𝗻 𝘀𝗮 𝗮𝗯𝗮𝗹𝗮 𝗮𝘁 𝗵𝘂𝗺𝗶𝗵𝗶𝗹𝗶𝗻𝗴 𝗻𝗴 𝗶𝗻𝘆𝗼𝗻𝗴 𝗽𝗮𝗻𝗴-𝘂𝗻𝗮𝘄𝗮 𝗵𝗮𝗯𝗮𝗻𝗴 𝗶𝘀𝗶𝗻𝗮𝘀𝗮𝗴𝗮𝘄𝗮 𝗮𝗻𝗴 𝗺𝗴𝗮 𝗸𝗮𝗶𝗹𝗮𝗻𝗴𝗮𝗻 𝗴𝗮𝘄𝗶𝗻 𝘀𝗮 𝗻𝗮𝘀𝗮𝗯𝗶𝗻𝗴 𝘁𝘂𝗹𝗮𝘆. 𝗠𝗮𝗿𝗮𝗺𝗶𝗻𝗴 𝘀𝗮𝗹𝗮𝗺𝗮𝘁 𝗽𝗼

Sa paggunita ng Araw ng Kagitingan, buong puso kinilala at pinarangalan ang ating mga beterano at mga tunay na haligi ng tapang at dangal ng bayan. Sa Bataan at sa iba pang bahagi ng bansa, ipinakita nila ang tunay na diwa ng tapang, sakripisyo, at pagmamahal para sa bayan. Ipinamalas ng bawat bayan sa lalawigan ng Bataan ang kanilang husay at galing sa pamamagitan ng kanilang mga Float Parade, Wall Sculpture, at mga lumang litrato na may kaugnayan sa ating kasaysayan. Ang makulay, malikhain, at makasaysayang mga obra ay hindi lamang naging bahagi ng selebrasyon, kundi ito rin ay naging tagapagdala ng mensahe ng pagkakaisa, kabayanihan, at pagmamahal sa bayan. Ang pagdiriwang na ito ay dinaluhan ni Mayor Richie Jason David kasama ang kanyang may bahay at Tourism Chairperson Grace David. Sinimulan ang programa sa pamamagitan ng mensahe ni Hon. Albert Garcia bilang kinatawan ng ikalawang distrito, at ito ay sinundan ni Governor Joet Garcia III. Dumalo rin sa okasyon si Hon. Romano Del Rosario ng Lupon ng Sangguniang Panlalawigan ng Bataan at si Eric Zerrudo, PhD., na siyang nagbigay ng pangunahing talumpati. Iba’t ibang mga beterano rin ang nakilahok at nagbigay ng kanilang presensya sa aktibidad bilang pakikiisa sa pagdiriwang.

Limayan pride! Congratulations to Juggernaut Bataan Swim Team with Coach Jilyn Mendoza bagged 8 Gold , 11 Silver and 1 Bronze Medals with three (3) Most Outstanding swimmers in the recent competition Swim Battle 1 League of the Champions at Muntinlupa Aquatic Center March 29, 2025. Supported by : LGU Limay Mayor Ritchie David Swim League Philippines Allan Calimbas JBST Parents Thanks to Lolitas Resort Casa Estrella Trivea Residences

Isang mainit na pagbati sa NCD Limay Swimming Team sa kanilang pagkapanalo sa kumpetisyon na ginanap kahapon, April 7, 2025 sa UP Diliman. Ang inyong tagumpay ay bunga ng sipag, tiyaga at disiplina. Kayo ay tunay na inspirasyon sa kabataan at patunay na ang pagsusumikap ay may magandang bunga. Ipagpatuloy ninyo ang pagpapakita ng galing at magandang halimbawa sa kapwa. Maraming salamat sa Swim Waves Society Inc. sa inyong binigay na pagkakataon para sa mga manlalangoy at maraming salamat rin po sa suporta ng mga magulang at trainors na nagsanay upang makamit ng mga kabataang ito ang kanilang tagumpay. Asahan po ninyo na patuloy ang suporta ng pamunuan sa mga ganitong uri ng aktibidad at maging inspirasyon ng bawat kabataan. 𝙍𝙚𝙨𝙪𝙡𝙩: 𝙅𝙖𝙖𝙯𝙞𝙚𝙡 𝙍𝙖𝙨𝙠𝙧𝙚𝙞𝙖 𝘾𝙤𝙧𝙩𝙚𝙯 50𝙢 𝘽𝙖𝙘𝙠 𝙎𝙞𝙡𝙫𝙚𝙧 50𝙢 𝘽𝙧𝙚𝙖𝙨𝙩 𝘽𝙧𝙤𝙣𝙯𝙚 50𝙢 𝙁𝙧𝙚𝙚 𝙎𝙞𝙡𝙫𝙚𝙧 (𝙈𝙤𝙨𝙩 𝙊𝙪𝙩𝙨𝙩𝙖𝙣𝙙𝙞𝙣𝙜 𝙎𝙬𝙞𝙢𝙢𝙚𝙧𝙨 𝘿𝙄𝙑𝙄𝙎𝙄𝙊𝙉 𝘿) 𝘾𝙝𝙖𝙧𝙢 𝘾𝙝𝙧𝙞𝙯𝙡𝙮𝙣𝙣𝙚 𝘿𝙚𝙡 𝙈𝙪𝙣𝙙𝙤 50𝙢 𝙁𝙡𝙮 𝙂𝙤𝙡𝙙 50𝙢 𝘽𝙖𝙘𝙠 𝙂𝙤𝙡𝙙 50𝙢 𝙁𝙧𝙚𝙚 𝙂𝙤𝙡𝙙 𝙈𝙖𝙧𝙞𝙖 𝙇𝙖𝙩𝙞𝙯𝙞𝙖 𝙊𝙡𝙞𝙫𝙖 50𝙢 𝘽𝙖𝙘𝙠 𝙂𝙤𝙡𝙙 𝙍𝙮𝙖 𝙔𝙪𝙢𝙖𝙣𝙞 𝘾𝙖𝙨𝙩𝙞𝙡𝙡𝙤 100𝙢 𝙄𝙈 𝙂𝙤𝙡𝙙 50𝙢 𝙁𝙡𝙮 𝙎𝙞𝙡𝙫𝙚𝙧 50𝙢 𝘽𝙖𝙘𝙠 𝙂𝙤𝙡𝙙 50𝙢 𝙁𝙧𝙚𝙚 𝙎𝙞𝙡𝙫𝙚𝙧 𝙅𝙖𝙢𝙞𝙘𝙝𝙖 𝙈𝙚𝙡𝙖𝙣𝙞𝙤 50𝙢 𝙁𝙡𝙮 𝙎𝙞𝙡𝙫𝙚𝙧 𝙋𝙧𝙞𝙣𝙘𝙚 𝙅𝙖𝙯𝙚𝙧 𝘾𝙖𝙣𝙙𝙚𝙡𝙖𝙧𝙞𝙖 50𝙢 𝙁𝙡𝙮 𝘽𝙧𝙤𝙣𝙯𝙚 50𝙢 𝘽𝙧𝙚𝙖𝙨𝙩 𝙂𝙤𝙡𝙙 𝙆𝙚𝙖𝙣𝙚 𝘼𝙚𝙙𝙚𝙣 𝘽𝙖𝙡𝙖𝙣𝙦𝙪𝙞𝙩 50𝙢 𝘽𝙖𝙘𝙠 𝙎𝙞𝙡𝙫𝙚𝙧 50𝙢 𝙁𝙧𝙚𝙚 𝙎𝙞𝙡𝙫𝙚𝙧 𝙇𝙮𝙖𝙣𝙠𝙞𝙧𝙠 𝙅𝙖𝙧𝙜𝙤𝙣 𝘾𝙖𝙨𝙩𝙞𝙡𝙡𝙤 100𝙢 𝙄𝙈 𝙂𝙤𝙡𝙙 50𝙢 𝙁𝙡𝙮 𝙂𝙤𝙡𝙙 50𝙢 𝘽𝙖𝙘𝙠 𝙂𝙤𝙡𝙙 50𝙢 𝙁𝙧𝙚𝙚 𝙎𝙞𝙡𝙫𝙚𝙧 (𝙈𝙤𝙨𝙩 𝙊𝙪𝙩𝙨𝙩𝙖𝙣𝙙𝙞𝙣𝙜 𝙎𝙬𝙞𝙢𝙢𝙚𝙧𝙨 𝘿𝙄𝙑𝙄𝙎𝙄𝙊𝙉 𝘿) 𝙅𝙪𝙡𝙚𝙨 𝙀𝙢𝙢𝙚𝙧 𝙅𝙪𝙣𝙩𝙞𝙡𝙖 100𝙢 𝙄𝙈 𝘽𝙧𝙤𝙣𝙯𝙚 50𝙢 𝘽𝙧𝙚𝙖𝙨𝙩 𝙂𝙤𝙡𝙙 (𝙈𝙤𝙨𝙩 𝙊𝙪𝙩𝙨𝙩𝙖𝙣𝙙𝙞𝙣𝙜 𝙎𝙬𝙞𝙢𝙢𝙚𝙧𝙨 𝘿𝙄𝙑𝙄𝙎𝙄𝙊𝙉 𝘾) 𝙆𝙧𝙞𝙨𝙩𝙞𝙖𝙣 𝙍𝙪𝙡𝙯 𝙍𝙤𝙭𝙖𝙨 100𝙢 𝙄𝙈 𝘽𝙧𝙤𝙣𝙯𝙚 50𝙢 𝙁𝙡𝙮 𝘽𝙧𝙤𝙣𝙯𝙚 50𝙢 𝘽𝙖𝙘𝙠 𝙂𝙤𝙡𝙙 50𝙢 𝘽𝙧𝙚𝙖𝙨𝙩 𝘽𝙧𝙤𝙣𝙯𝙚 50𝙢 𝙁𝙧𝙚𝙚 𝙎𝙞𝙡𝙫𝙚𝙧 𝙅𝙤𝙨𝙝𝙪𝙖 𝙊𝙡𝙞𝙫𝙖 100𝙢 𝙄𝙈 𝘽𝙧𝙤𝙣𝙯𝙚 50𝙢 𝙁𝙡𝙮 𝙂𝙤𝙡𝙙 50𝙢 𝘽𝙖𝙘𝙠 𝙎𝙞𝙡𝙫𝙚𝙧 50𝙢 𝘽𝙧𝙚𝙖𝙨𝙩 𝙂𝙤𝙡𝙙 50𝙢 𝙁𝙧𝙚𝙚 (𝙈𝙤𝙨𝙩 𝙊𝙪𝙩𝙨𝙩𝙖𝙣𝙙𝙞𝙣𝙜 𝙎𝙬𝙞𝙢𝙢𝙚𝙧𝙨 𝘿𝙄𝙑𝙄𝙎𝙄𝙊𝙉 𝙗) 𝙎𝙚𝙖𝙣 𝘼𝙣𝙜𝙚𝙡𝙤 𝙎𝙖𝙪𝙧𝙚 50𝙢 𝙁𝙡𝙮 𝙂𝙤𝙡𝙙 50𝙢 𝘽𝙖𝙘𝙠 𝙎𝙞𝙡𝙫𝙚𝙧 50𝙢 𝘽𝙧𝙚𝙖𝙨𝙩 𝙂𝙤𝙡𝙙 50𝙢 𝙁𝙧𝙚𝙚 𝙂𝙤𝙡𝙙 (𝙈𝙤𝙨𝙩 𝙊𝙪𝙩𝙨𝙩𝙖𝙣𝙙𝙞𝙣𝙜 𝙎𝙬𝙞𝙢𝙢𝙚𝙧𝙨 𝘿𝙄𝙑𝙄𝙎𝙄𝙊𝙉 𝘿) 𝙆𝙝𝙚𝙣𝙟𝙪𝙣𝙤 𝙊𝙡𝙖𝙧𝙩𝙚 50𝙢 𝙁𝙡𝙮 𝙂𝙤𝙡𝙙 50𝙢 𝘽𝙧𝙚𝙖𝙨𝙩 𝘽𝙧𝙤𝙣𝙯𝙚 50𝙢 𝙁𝙧𝙚𝙚 𝙎𝙞𝙡𝙫𝙚𝙧

Isang lupa ang nilaan ni dating Mayor Nelson C. David sa Barangay Duale upang tayuan ng St. Daniel Comboni Parish Church and Convent. Ang itatayong simbahan ay hindi lamang para sa mga misa kung hindi ito rin ay magiging tahanan ng mga outreach programs, tulong para sa mga kapos palad at sentro ng mga aktibidad na magpapatibay sa ating samahan bilang isang komunidad. Si St. Daniel Comboni ay kilala sa kanyang malasakit sa mga mahihirap at misyon para sa Africa at sila ni dating Mayor Nelson C. David ay mayroong iisang hangarin. Ito ay hindi lamang gagawin para sa isang papuri kung hindi bilang isang alay sa Diyos at sa mga mamamayan dahil tayo ay naniniwala na ang isang lider na may takot sa Diyos ay mas may malasakit sa mga tao. Atin pong abangan ang nalalapit na pagtatayo ng nasabing simbahan.

Sa tuloy-tuloy ng paghahatid ng serbisyo para sa mga mamamayan ng Limay, mga solar street lights ang isa mga pangunahing proyekto ng pamunuan. Mga solar street lights para sa lugar ng Bliss at Villa Leonor ang mga naikabit at asahan po natin na mas marami pang ilaw ang mailalagay sa nasabing lugar. Ang solar street lights ay mahalaga dahil nagbibigay ito ng ilaw sa kalsada gamit ang enerhiyang mula sa araw, kaya ito ay isang matipid, eco-friendly, at sustainable na solusyon sa pag-iilaw sa mga lansangan. Ito rin at nagbibigay liwanag kahit na ito ay walang suplay ng kuryente. Sama-sama po nating ipagpatuloy ang nasimulan ng ating Lokal na Pamahalaan at sa pagpapatuloy ng progreso at kaunlaran ng ating komunidad.