Ang Pamahalaang Bayan ng Limay sa pangunguna ni Hon. Richie Jason D. David, Sangguniang Bayan members, katuwang ang Municipal Social Welfare and Development Section, Persons with Disability Affairs Office, Limay Federation of PWDs, at Local Council for the Protection of Children, ay nakiisa sa pagdiriwang ng National Autism Consciousness Week. Alinsunod sa 𝗣𝗿𝗼𝗰𝗹𝗮𝗺𝗮𝘁𝗶𝗼𝗻 𝗡𝗼. 𝟳𝟭𝟭, 𝘀. 𝗼𝗳 𝟭𝟵𝟵𝟲, ang ikatlong linggo ng Enero ng kada taon ay inilalaan sa paggunita ng 𝗡𝗮𝘁𝗶𝗼𝗻𝗮𝗹 𝗔𝘂𝘁𝗶𝘀𝗺 𝗖𝗼𝗻𝘀𝗰𝗶𝗼𝘂𝘀𝗻𝗲𝘀𝘀 𝗪𝗲𝗲𝗸, sa paglalayong palaganapin ang kamalayan, pag-unawa, at pagtanggap sa mga indibidwal na may autismo. Ngayong taon, ito ay may temang “Pag-angat ng mga Lider Para sa Pagsulong ng Lipunang Walang Naiiwan”. Ang aktibidad ay sinimulan sa pagkakaroon ng pagbibigay kaalaman tungkol sa Autism na pinangunahan ni Ma’am Charito D. Santos, Special Needs Education Teacher. Kasabay nito ay ang pagpapadaloy ng coloring activity para sa dalawampu’t limang (25) batang mag-aaral ng SPED mula sa Limay Elementary School. Layunin ng programang ito na mas mapalawak pa ang kamalayan sa autism, makahikayat ng karagdagang suporta para sa mga indibidwal na may autism, at hikayatin ang lahat na maging mas inklusibo ang bayan ng Limay.

Kasabay ng pagdiriwang ng Araw ng mga Puso, pormal nang binuksan kahapon, Pebrero 14, 2025, ang mga bagong palaruan sa Limay Park. Ito ay handog ng ating butihing Mayor Richie Jason David, Tourism Chairperson Grace David at Vice Mayor Sarah David kasama ang mga Sangguniang Bayan Members, upang magbigay kasiyahan sa buong pamilya at kabataan na bumisita sa parke. Hangad namin na mapangalagaan ang mga pasilidad na ito upang magamit ng mas maraming kabataan at maging kapaki-pakinabang sa ating buong bayan ng Limay.

Sa araw na ito, ipinagdiriwang natin ang iba’t ibang anyo ng pagmamahal—sa pamilya, kaibigan, at sa bawat isa sa ating komunidad. Ang Pamahalaang Bayan ng Limay ay patuloy na maglilingkod nang tapat para sa inyo, dahil kayo ang aming inspirasyon. Muli, Maligayang Araw ng mga Puso mula sa Pamahalaang Bayan ng Limay

Ikinagagalak naming batiin ang buong koponan ng Limay Polytechnic College (LPC), sa pangunguna ni Dr. Elmer de Leon, sa kanilang kahanga-hangang tagumpay. Ang inyong dedikasyon, sipag, at hindi matitinag na pagsusumikap ay nagbigay daan sa pagkilala ng LPC sa World University Ranking for Innovation (WURI). Talaga namang kapuri-puri ang inyong galing at commitment sa pagpapalago ng kolehiyo. Isang taos-pusong pasasalamat din kay Mayor Nelson C. David, ang nagtatag ng LPC, na naglatag ng pundasyon at nagbigay buhay sa pangarap na ito. Patuloy ang suporta ni Mayor Richie David, Vice Mayor Sarah David, at mga miyembro ng Sangguniang Bayan sa pagpapalago ng kolehiyo. Kami’y labis na nagpapasalamat sa bawat isa sa inyo—mga guro, mag-aaral, at mga kawani—na nagbigay ng kanilang makulay na kontribusyon para sa tagumpay na ito. Ang inyong liderato, pagkakaisa, at malasakit ay isang tunay na inspirasyon para sa lahat. Congratulations sa inyong lahat at patuloy na tagumpay!

Sa ginanap pong laban ngayong araw, ika-13 ng Pebrero parehong nagwagi sa magkasundo na laban ang Bayan ng Limay kontra sa Bayan ng Samal. Sa unang laban, tinalo ng Limay Women’s Volleyball Team sa iskor na 25-17 at 25-23. Sa laban naman ng Limay Men’s Volleyball Team tinalo ng kupunan ang Bayan ng Samal sa iskor na 25-20 at 25-14. #1Limay

Tara na at damahin ang romantic feels sa Limay Park ngayong Biyernes, simula 4pm! Sa malamig na hangin at agos ng alon sa tabi ng dagat, tamang-tama ang vibe habang nakikinig sa mga tugtugan, kantahan at sayawan mula sa mga Bandang Limayans na Zingy Band, Science Project, Sound Group Band at mga pagtatanghal ng Limay High School.  Maki-jamming, mag-enjoy, at magsaya kasama ang inyong mga mahal sa buhay habang mag-eenjoy sa mga kainan sa mga local establishments ng Limay. Isang gabi ng pagmamahal at kasiyahan, puno ng tamis at romantikong alaala!  Huwag palampasin ang pagpaparamdam ng pagmamahal mula sa Limay Tourism Council sa pangunguna ni Tourism Chairperson Grace David at ng Pamahalaang Bayan ng Limay sa pangunguna ni Mayor Richie David, Vice Mayor Sarah David at SB Members 

Nakamit ng Bayan ng Limay ang unang panalo sa larong basketball ngayong araw laban sa Bayan ng Hermosa sa iskor na 93-85. #1Limay #1Bataan #1BataanSportsFest

Muli na namang napabilang ang barangay Alangan sa mga nakapasa para sa 𝙎𝙚𝙖𝙡 𝙤𝙛 𝙂𝙤𝙤𝙙 𝙇𝙤𝙘𝙖𝙡 𝙂𝙤𝙫𝙚𝙧𝙣𝙖𝙣𝙘𝙚 𝙛𝙤𝙧 𝘽𝙖𝙧𝙖𝙣𝙜𝙖𝙮𝙨 (𝙎𝙂𝙇𝙂𝘽) para sa taong 2024. Ito ay isa lamang patunay na ang pamunuan ng Barangay Alangan sa pangunguna ni Kapitana Teresita Dela Rea kasama ang kanyang mga Kagawad at iba pang empleyado ay talaga namang nagkakaisa pag dating sa pag bibigay serbisyo sa kanilang mga nasasakupan. Hangad namin ang inyong patuloy na pag-unlad at tagumpay sa inyong buong pamunuan.

“Paglilingkod Mula sa PUSO” Kahapon ika-3 ng Pebrero ay nagkaroon muli ng makabuluhang ugnayan ang ating Mayor Richie Jason D David sa ating masipag naTESDA Bataan Director Mariflor Liwanag patungkol sa pagpapalawak ng mga hatid na “skills and livelihood trainings” para mas makatugon at makatulong sa pagpapatatag ng katayuan ng bawat pamilya sa ating bayan ng Limay. Isa sa napiling lugar na pagtatayuan ng community-based training center ay ang dating pwesto ng Municipal Health Center. Ipinapahanda na ni Mayor Richie ang magiging layout at ang ibang mga kakailanganin para masiguro ang matagumpay na serbisyo sa ating mga kababayan. Magkakatulungan ang TESDA at ang PESO kasama ang ibang mga pribadong sponsors na gustong makibahagi.sa makabuluhang gawain na ito. Nais din ni Mayor Richie na maiangat ang estado ng mga PWD, mga kababaihan lalo na ang mga Solo Parents na matulungan nating itawid sa kahirapan ng kani-kanilang sitwasyon. Naniniwala si Mayor Richie na ang tunay na paglilingkod ay nagmumula sa udyok ng PUSO na hangad ay magandang kinabukasan para sa lahat. Walang itatangi at walang maiiwanan. Pagpalain nawa tayo ng Diyos!

Pebrero 03, 2025, sa pamumuno ng ating Mayor Richie Jason D. David, ay ipinagkaloob ng Pamahalaang Bayan ng Limay, ang Php 100,000 birthday incentive para sa ating CENTENARIAN na si Lola LOURDES PANGILINAN DE GUIA, residente ng Barangay Poblacion. Ang insentibong ito ay ibinabahagi ng lokal na pamahalaan sa mga kwalipikadong nakatatanda o senior citizens na nagdiriwang ng kanilang ika-isang daang taon, sa bisa ng ating lokal na Resolution No. 2019-130, Resolution Granting Incentives and Special Privilege to Senior Citizens of the Municipality of Limay,Bataan who have reached one hundred years of age in the amount of One Hundred Thousand Pesos. Bukod pa rito ang insentibong matatangap din mula sa National Commission of Senior Citizens (NCSC) na Centenarian Cash Gift, alinsunod sa Republic Act No. 11982 o Expanded Centenarians Act. Pinangunahan ni Konsehal Mel Fernando (Commitee Chairperson for Senior Citizens and Persons with Disabilities) kasama ang kanyang Vice Chairman na si Konsehal Bart Reyes ang paggawad ng lokal na insentibo, katuwang ang Municipal Social Welfare and Development Section (MSWDS) Head Faye Fernando, Office of the Senior Citizens Affairs (OSCA) Head Jaime Apro, Office of the Municipal Treasurer representative, at Poblacion Municipal Federation of Senior Citizens Association (MUFESCA) President. Isang maligayang pagbati sa iyong ika-100 kaarawan, Lola Lourdes! Dalangin po namin ang inyong patuloy na kalakasan at kasaganaan.