Ngayong umaga, Pebrero 28, dumalo si Mayor Richie Jason David sa Fire Prevention Month Kick-Off upang ipagdiwang ang kahalagahan ng kaligtasan laban sa sunog. Sama-sama tayong magtulungan upang mapanatili ang kaligtasan ng ating komunidad. Alamin ang mga tamang hakbang at magkaisa para sa isang ligtas na kapaligiran! Siguraduhin ang mga de-koryenteng kagamitan ay hindi sira at laging nakapatay kapag hindi ginagamit. Huwag mag-iwan ng mga gamit na madaling magdulot ng sunog. Magkaroon ng fire extinguisher at magturo sa pamilya kung paano ito gamitin. Regular na i-check ang mga fire exits at fire alarm systems sa inyong tahanan at trabaho. Sa pamamagitan ng tamang impormasyon at paghahanda, makakaiwas tayo sa sakuna. Sama-sama, magtulungan tayo para sa kaligtasan ng bawat isa!

Muling namahagi ng libreng school uniform ang Lokal na Pamahalaan ng Limay para sa mga estudyante ng pampublikong elementarya. Ang proyektong ito ay bahagi ng patuloy na inisyatiba ng Pamahalaan sa panguguna ni Mayor Richie Jason David, Vice Mayor Sarah David, ang buong SB Members, at Tourism Chairperson Grace David, na layuning mas suportahan ang mga mag-aaral at kanilang mga pamilya. Ang mga libreng uniporme ay nagdudulot ng maraming benepisyo, kabilang ang pantay-pantay na pananamit, at mas magaan na gastusin para sa mga magulang. Nakakatulong din ito sa pagpapalaganap ng disiplina at kaayusan sa mga mag-aaral, habang pinapalakas ang kanilang focus sa pag-aaral dahil hindi na nila iintindihin ang kanilang susuot na pamasok sa eskwelahan. “Tapat na serbisyo, Diretso sa tao.”

Isang malaking pagbati sa lokal na pamahalaan ng Limay sa pagkamit ng 2024 Good Financial Housekeeping recognition! Ang tagumpay na ito ay patunay ng inyong dedikasyon sa tamang pamamahala ng pondo at tapat na pamamahala. Kasama rin ang ibang bayan at ang buong probinsya ng Bataan sa karangalan na nagpapakita ng kolektibong pagsisikap para sa isang mas transparent at accountable na gobyerno. Patuloy na magsilbing halimbawa ang Limay sa pagpapalaganap ng magandang pamamahala at serbisyong tapat!

Nakamit ng Basketball Team ng Bayan ng Limay ang ika-apat nitong panalo ngayong araw sa laban nito kontra sa Bayan ng Morong. Tinalo ng ng Limay ang Morong sa iskor na 89-77

Hangad ng ating Lokal na Pamahalaan na mapanatili ang kalinisan at kaligtasan ng ating mga nasasakupan kaya patuloy po ang pagtutulungan ng iba’t ibang mga ahensya para sa kalinisan ng ating pamilihan. Ito ay panukala ni Mayor Richie Jason David, Tourism Chairperson Grace David, Vice Mayor Sarah David at buong Sangguniang Bayan Members.

PAGLILINGKOD MULA SA PUSO Heto na ang takdang panahon upang ating hubugin ang lahat na kawani ng ating pamahalaan sa isang makabuluhang ugnayan at pagtutulungan na makapabigay ng tamang serbisyong naaayon sa pangangailangan at sa mabilis na pamamaraan. Si Mayor Richie Jason David ay nakipag-ugnayan sa Institute for Solidarity in Asia (ISA) sa pamamagitan ni Governor Joet Garcia upang mapagusapan at maihanda ang LGU Limay sa enrollment requirements ng Performance Governance System. Ang ISA-PGS, sa pamumuno ng Project Leader at Executive Director Mr. Christian Peter Emmanuel Zaens, ay naghanda ng pang-unang usapan upang maging malinaw ang intention at direksyon na nakaangkop sa estado o pangangailangan ng bayan ng Limay. Buong-buo ang suporta ni Governor Joet Garcia sa liderato ni Mayor Richie Jason D David sa magandang adhikain na ito batay sa karanasan ni Gov Joet sa City of Balanga. Kasama sa usapan ang PGB PGS Team ni Ma’am Myrna Roman, ang ISA Team ni Sir Christian at ang mga opisyales at staff ng LGU Limay sa pangunguna ni Mayor Richie Jason David. Ang tagumpay ng PGS ay may hatid na ginhawa at katatagan ng bawat pamilya sa ating bayan ng Limay. Sama-sama at tulong-tulong tayo sa direksyon ng kaunlaran at katatagan. “KISLAP Limay 2025-2028”

Sa patuloy na pagtaas ng kaso ng dengue sa ating lugar, narito po ang ilang mga sintomas na dapat nating bantayan upang tayo ay maging alerto, maagap, at maiwasan ang malalang komplikasyon ng sakit na ito.

Ang Pamahalaang Bayan ng Limay sa pangunguna ni Hon. Richie Jason D. David, Sangguniang Bayan members, katuwang ang Municipal Social Welfare and Development Section, Persons with Disability Affairs Office, Limay Federation of PWDs, at Local Council for the Protection of Children, ay nakiisa sa pagdiriwang ng National Autism Consciousness Week. Alinsunod sa 𝗣𝗿𝗼𝗰𝗹𝗮𝗺𝗮𝘁𝗶𝗼𝗻 𝗡𝗼. 𝟳𝟭𝟭, 𝘀. 𝗼𝗳 𝟭𝟵𝟵𝟲, ang ikatlong linggo ng Enero ng kada taon ay inilalaan sa paggunita ng 𝗡𝗮𝘁𝗶𝗼𝗻𝗮𝗹 𝗔𝘂𝘁𝗶𝘀𝗺 𝗖𝗼𝗻𝘀𝗰𝗶𝗼𝘂𝘀𝗻𝗲𝘀𝘀 𝗪𝗲𝗲𝗸, sa paglalayong palaganapin ang kamalayan, pag-unawa, at pagtanggap sa mga indibidwal na may autismo. Ngayong taon, ito ay may temang “Pag-angat ng mga Lider Para sa Pagsulong ng Lipunang Walang Naiiwan”. Ang aktibidad ay sinimulan sa pagkakaroon ng pagbibigay kaalaman tungkol sa Autism na pinangunahan ni Ma’am Charito D. Santos, Special Needs Education Teacher. Kasabay nito ay ang pagpapadaloy ng coloring activity para sa dalawampu’t limang (25) batang mag-aaral ng SPED mula sa Limay Elementary School. Layunin ng programang ito na mas mapalawak pa ang kamalayan sa autism, makahikayat ng karagdagang suporta para sa mga indibidwal na may autism, at hikayatin ang lahat na maging mas inklusibo ang bayan ng Limay.

Kasabay ng pagdiriwang ng Araw ng mga Puso, pormal nang binuksan kahapon, Pebrero 14, 2025, ang mga bagong palaruan sa Limay Park. Ito ay handog ng ating butihing Mayor Richie Jason David, Tourism Chairperson Grace David at Vice Mayor Sarah David kasama ang mga Sangguniang Bayan Members, upang magbigay kasiyahan sa buong pamilya at kabataan na bumisita sa parke. Hangad namin na mapangalagaan ang mga pasilidad na ito upang magamit ng mas maraming kabataan at maging kapaki-pakinabang sa ating buong bayan ng Limay.

Sa araw na ito, ipinagdiriwang natin ang iba’t ibang anyo ng pagmamahal—sa pamilya, kaibigan, at sa bawat isa sa ating komunidad. Ang Pamahalaang Bayan ng Limay ay patuloy na maglilingkod nang tapat para sa inyo, dahil kayo ang aming inspirasyon. Muli, Maligayang Araw ng mga Puso mula sa Pamahalaang Bayan ng Limay